കെ അണ്ണാമലൈ കേന്ദ്രമന്ത്രിയാകും; നിയുക്ത മന്ത്രിമാർക്കുള്ള ചായസത്കാരത്തിലേക്ക് ക്ഷണം
മൂന്നാം എന്.ഡി.എ. സര്ക്കാരില് തമിഴ്നാട് ബിജെപി അധ്യക്ഷൻ കെ. അണ്ണാമലൈ മന്ത്രിയായെക്കും. വൈകിട്ട് ഏഴുമണിക്ക് നടക്കുന്ന സത്യപ്രതിജ്ഞാ ചടങ്ങിന് മുന്നോടിയായി നിയുക്ത മന്ത്രിമാര്ക്കായി നിയുക്തപ്രധാനമന്ത്രി നടത്തുന്ന ചായ സൽക്കാരത്തിൽ പങ്കെടുക്കുന്നവരിൽ അണ്ണാമലൈയുടെ പേരും ഉണ്ട്..മന്ത്രിമാരാകാന് സാധ്യതയുള്ളവർക്ക് പ്രധാനമന്ത്രിയുടെ ഓഫീസില്നിന്ന് അറിയിപ്പിപ്പ് ലഭിച്ചുതുടങ്ങിയിട്ടുണ്ട്. കേരളത്തില് നിന്ന് സുരേഷ് ഗോപിയും കേന്ദ്രമന്ത്രിയാകും.
കോയമ്പത്തൂരിൽനിന്ന് ലോക്സഭയിലേക്ക് മത്സരിച്ചെങ്കിലും ഡി.എം.കെയുടെ മുൻമേയർ ഗണപതി രാജ്കുമാറിനോട് 1,18,068 വോട്ടുകൾക്ക് അണ്ണാമലൈ പരാജയപ്പെട്ടിരുന്നു. അതിനാൽ കേന്ദ്രമന്ത്രി ആവുകയാണെങ്കിൽ ആറുമാസത്തിനുള്ളിൽ ഏതെങ്കിലും ഒരു സംസ്ഥാനത്തുനിന്ന് മത്സരിച്ച് രാജ്യസഭാംഗമാകേണ്ടിവരും.
ബി.ജെ.പി. നേതാക്കളായ രാജ്നാഥ് സിങ്, നിതിന് ഗഡ്കരി, അര്ജുന് റാം മേഘ്വാള്, സര്ബാനന്ദ സോനോവാള്, പ്രള്ഹാദ് ജോഷി, ശിവരാജ് സിങ് ചൗഹാന് എന്നിവര്ക്ക് പുറമേ, എല്.ജെ.പി. നേതാവ് ചിരാഗ് പസ്വാന്, ജെ.ഡി.എസ്. നേതാവ് കുമാരസ്വാമി എന്നിവര്ക്കാണ് ഇതുവരെ അറിയിപ്പ് ലഭിച്ചത്. 11.30-നാണ് മോദിയുടെ വസതിയിലെ ചായസത്കാരം.