എകെജി സെന്റര് ആക്രമണം; ഒളിവിലായിരുന്ന യൂത്ത് കോണ്ഗ്രസ് നേതാവ് അറസ്റ്റില്
എകെജി സെന്റര് ആക്രമണ കേസില് യൂത്ത് കോണ്ഗ്രസ് നേതാവ് അറസ്റ്റില്. തിരുവനന്തപുരം മുന് ജില്ലാ സെക്രട്ടറി സുഹൈല് ഷാജഹാനാണ് അറസ്റ്റിലായത്. കെ സുധാകരന്റെ അടുത്ത അനുയായി ആണ് സുഹൈല് ഷാജഹാൻ. വിദേശത്തായിരുന്ന സുഹൈല് ഡല്ഹി വിമാനത്താവളത്തിലെത്തിയപ്പോഴാണ് പിടിയിലാകുന്നത്.
രണ്ട് വര്ഷമായി ഒളിവില് കഴിഞ്ഞതിന് ശേഷമാണ് പ്രതി പിടിയിലാകുന്നത്. പിടികൂടാന് സാധിക്കാത്തതിനെത്തുടര്ന്ന് പൊലീസ് ലുക്ക്ഔട്ട് നോട്ടീസ് നല്കിയിരുന്നു. ഇന്ന് പുലര്ച്ചെയാണ് ഇയാള് പിടിയിലാകുന്നത്. ഡല്ഹി വിമാനത്താവളത്തില് നിന്ന് കാഠ്മണ്ഡുവിലേക്ക് പോകാന് എത്തിയതാണെന്നായിരുന്നു ക്രൈംബ്രാഞ്ച് വ്യക്തമാക്കുന്നത്.
തിരുവനന്തപുരം ക്രൈംബ്രാഞ്ച് സംഘം ഇന്ന് വൈകുന്നേരത്തോടെ സുഹൈലിനെ തിരുവനന്തപുരത്തെത്തിക്കും. പടക്കം എറിയാന് നിര്ദേശം നല്കിയത് നിര്ദേശം നല്കിയത് സുഹൈല് ആണെന്നാണ് ക്രൈം ബ്രാഞ്ചിന്റെ കണ്ടെത്തല്.