കൊയിലാണ്ടിയിൽ സിപിഐഎം പ്രാദേശിക നേതാവിനെ കുത്തിക്കൊലപ്പെടുത്തി

കോഴിക്കോട് കൊയിലാണ്ടിയിൽ സിപിഐഎം പ്രാദേശിക നേതാവിനെ കുത്തിക്കൊലപ്പെടുത്തി. കൊയിലാണ്ടി ടൗൺ ലോക്കൽ സെക്രട്ടറി പി.വി സത്യനാഥ് ആണ് മരിച്ചത്. ചെറിയപുറം ക്ഷേത്രം ഉത്സവത്തിനിടെ ആണ് ആക്രമണമുണ്ടായത്. സംഭവത്തെപ്പറ്റി പൊലീസിന്റെ ഭാ​ഗത്ത് നിന്നും നിലവിൽ വിശദീകരണം ഒന്നും ലഭിച്ചിട്ടില്ല.

ഉത്സവത്തോട് അനുബന്ധിച്ച് ​ഗാനമേള നടക്കുന്ന സമയത്താണ് ഓഫീസ് പരിസരത്ത് വെച്ച് സിപിഐഎം നേതാവിന് വെട്ടേറ്റത്. മൃതദേഹം കൊയിലാണ്ടി ജനറൽ ആശുപത്രിയിൽ സൂക്ഷിച്ചിരിക്കുകയാണ്. എന്താണ് ആക്രമണ കാരണം എന്നതിനെപ്പറ്റിയോ ഒരു സംഘമാണോ ഒരാളാണോ ആക്രമിച്ചത് തുടങ്ങിയ വിവരമൊന്നും ലഭിച്ചിട്ടില്ല.