കോട്ടയം കുറിച്ചിയില്‍ നിന്ന് ഏഴാം ക്ലാസുകാരനെ കാണാതായി
കോട്ടയം കുറിച്ചിയില്‍ നിന്ന് ഏഴാം ക്ലാസുകാരനെ കാണാനില്ലെന്ന് പരാതി. കുറിച്ചി സ്വദേശി അദ്വൈതിനെയാണ് രാവിലെ മുതല്‍ കാണാതായത്. വാഴപ്പള്ളി സെന്റ് തെരേസാസ് സ്‌കൂളിലെ വിദ്യാര്‍ത്ഥിയാണ്.
കുട്ടി രാവിലെ വീട്ടില്‍ നിന്നും ട്യൂഷന്‍ ക്ലാസിലേക്ക് പോയതാണ്. കുട്ടി യൂണിഫോമിട്ട് ടോര്‍ച്ചുതെളിച്ച് നടന്നുപോകുന്നതിന്റെ സിസിടിവി ദൃശ്യങ്ങളും ലഭിച്ചിട്ടുണ്ട്. എന്നാല്‍ ഏറെ വൈകിയിട്ടും കുട്ടി ട്യൂഷന്‍ ക്ലാസില്‍ നിന്നും തിരിച്ചെത്തിയില്ല. വീട്ടുകാര്‍ ആശങ്കയോടെ ട്യൂഷന്‍ ക്ലാസില്‍ വിളിച്ച് ചോദിച്ചപ്പോള്‍ ഇന്ന് കുട്ടി ക്ലാസിന് വന്നിരുന്നില്ലെന്ന മറുപടിയാണ് ലഭിച്ചത്. തുടര്‍ന്ന് വീട്ടുകാരും നാട്ടുകാരും ചേര്‍ന്ന് പ്രദേശത്ത് വിശദമായ അന്വേഷണം നടത്തി. ഒരു വിവരവും ലഭിക്കാതെ വന്നതോടെയാണ് ചിങ്ങവനം പൊലീസിന് പരാതി സമര്‍പ്പിച്ചത്.
കുട്ടിയ്ക്കായി പൊലീസ് വിശദമായ അന്വേഷണം നടത്തുകയാണ്. കൂട്ടുകാരുടെ വീട്ടിലൊന്നും കുട്ടി എത്തിയിട്ടില്ല. ഉത്സവങ്ങള്‍ വല്ലാതെ ഇഷ്ടമുള്ള കുട്ടി അങ്ങനെ എവിടെയെങ്കിലും പോയതാണോ എന്ന് അന്വേഷിക്കുന്നുണ്ട്. കുട്ടിയെ കാണുന്നവര്‍ ബന്ധപ്പെടുക: 9497947162, 9539899286