പനോരമിക് സൺറൂഫുള്ള ഇന്ത്യയിലെ ഏറ്റവും വിലകുറഞ്ഞ കാർ: നെക്സോണിന്റെ പുതിയ വേരിയന്റ് എത്തിച്ച് ടാറ്റ
ഇന്ത്യയിലെ ഏറ്റവും ജനപ്രിയമായ എസ്യുവികളിൽ ഒന്നാണ് ടാറ്റ നെക്സോൺ. പത്ത് ലക്ഷത്തിലധികം യൂണിറ്റ് എസ്യുവികൾ വിറ്റഴിക്കപ്പെട്ടിരുന്നു. ഇതിന്റെ ഭാഗമായി ടാറ്റ എസ്യുവിയുടെ പുതിയ വേരിയന്റ് പുറത്തിറക്കിയിരിക്കുകയാണ് കമ്പനി. പുതിയ പ്യുവർ പ്ലസ് പിഎസ് വേരിയന്റിൽ പനോരമിക് സൺറൂഫ് അവതരിപ്പിക്കുന്നു. 10 ലക്ഷം രൂപയിൽ താഴെയാണ് വാഹനത്തിന് വില വരുന്നത്.
ഈ വേരിയന്റ് ഒന്നിലധികം പവർട്രെയിൻ ഓപ്ഷനുകളിൽ ലഭ്യമാണ്. കൂടാതെ നിരവധി പ്രീമിയം സവിശേഷതകളുമായാണ് ഇത് വരുന്നത്. പ്യുവർ പ്ലസ് പിഎസിന്റെ വില 9.59 ലക്ഷം രൂപയിൽ നിന്ന് ആരംഭിച്ച് 11.19 ലക്ഷം രൂപ വരെ (എക്സ്-ഷോറൂം) വരുന്നു. മാനുവൽ, എഎംടി വേരിയന്റുകൾ തമ്മിൽ 25,000 രൂപയുടെ വില വ്യത്യാസമുണ്ട്. സിഎൻജിയിൽ ടർബോ-പെട്രോൾ എഞ്ചിൻ വാഗ്ദാനം ചെയ്യുന്ന ഒരേയൊരു എസ്യുവിയാണ് നെക്സോൺ. സിഎൻജി പതിപ്പിന് 80,000 രൂപ അധികമായി വരും.
പല വാഹന നിർമ്മാതാക്കളും 10 ലക്ഷം രൂപയിൽ താഴെ വിലയുള്ള സിംഗിൾ-പെയിൻ സൺറൂഫ് വാഗ്ദാനം ചെയ്യുമ്പോഴും, 10 ലക്ഷം രൂപയിൽ താഴെ വിലയുള്ള പനോരമിക് എസ്യുവി ലഭിക്കുന്ന ആദ്യ എസ്യുവിയായി നെക്സോൺ മാറി. വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, 6-സ്പീക്കർ സൗണ്ട് സിസ്റ്റം, റിവേഴ്സ് പാർക്കിംഗ് ക്യാമറ, ക്രൂയിസ് കൺട്രോൾ, ഓട്ടോ-ഫോൾഡുള്ള ORVM-കൾ എന്നിവ മികച്ച സവിശേഷതകളിൽ ഉൾപ്പെടുന്നു. ഓട്ടോ LED ഹെഡ്ലാമ്പുകളും ടെയിൽലാമ്പുകളും വാഹനത്തിന് ലഭിക്കും.
ടാറ്റ നെക്സോണിന്റെ മൊത്തത്തിലുള്ള വില 7.37 ലക്ഷം മുതൽ 14.22 ലക്ഷം രൂപ വരെയാണ് (എക്സ്-ഷോറൂം). ഹ്യുണ്ടായി വെന്യു, സ്കോഡ കൈലാഖ്, മാരുതി ബ്രെസ്സ, ഫ്രോങ്ക്സ്, കിയ സോനെറ്റ്, സിറോസ്, മഹീന്ദ്ര XUV3XO തുടങ്ങിയ എസ്യുവികളുമായാണ് വിപണിയിൽ നെക്സോൺ മത്സരിക്കുന്നു.
