കായികതാരം ലിതാരയുടെ മരണം; കോച്ച് രവി സിംഗിന് സസ്പെന്ഷന്
മലയാളി ബാസ്കറ്റ് ബോള് താരം കെ സി ലിതാരയുടെ മരണത്തില് ആരോപണ വിധേയനായ കോച്ച് രവി സിംഗിന് സസ്പെന്ഷന്. രവി സിംഗ് കുറ്റക്കാരനാണെന്ന് തെളിഞ്ഞാല് കര്ശന നടപടിയുണ്ടാകുമെന്ന് ഈസ്റ്റ് സെന്ട്രല് റെയില്വേ അറിയിച്ചു. റെയില്വേ ഒരു തരത്തിലും കോച്ചിനെ സഹായിക്കുന്നില്ലെന്നും കേസില് വകുപ്പുതല അന്വേഷണത്തിന് സാധ്യതയില്ലെന്നും റെയില്വേ മുഖ്യ വക്താവ് പറഞ്ഞു.