ബംഗാളില് മദ്രസകളിലും വന്ദേമാതരം നിര്ബന്ധം; നിര്ദേശവുമായി ബിജെപി സര്ക്കാര്
ബംഗാളില് മദ്രസകളിലും വന്ദേമാതരം നിര്ബന്ധമാക്കി ബിജെപി സര്ക്കാര്. രാവിലെ നടക്കുന്ന അസംബ്ലികളില് വന്ദേമാതരം ആരംഭിക്കണമെന്ന് നിര്ദ്ദേശം. ന്യൂനപക്ഷ കാര്യ, മദ്രസ വിദ്യാഭ്യാസ വകുപ്പിന് കീഴിലുള്ള സ്ഥാപനങ്ങള്ക്കാണ് ഉത്തരവ്.
പശ്ചിമ ബംഗാളിലെ സ്കൂളുകള്ക്ക് പിന്നാലെയാണ് മദ്രസകള്ക്കും വന്ദേമാതരം ആലപിക്കണമെന്ന നിര്ദേശം.സംസ്ഥാന സര്ക്കാരിന് കീഴിലുള്ള മദ്രസ ഡയറക്ടറേറ്റാണ് ഉത്തരവ് പുറപ്പെടുവിച്ചത്. ന്യൂനപക്ഷകാര്യ മദ്രസ വിദ്യാഭ്യാസ വകുപ്പിന് കീഴില് വരുന്ന മുഴുവന് എയ്ഡഡ്, അണ് എയ്ഡഡ് മദ്രസകള്ക്കും ഉത്തരവ് ബാധകമാണ്.
സംസ്ഥാനത്തെ സ്കൂളുകളില് വന്ദേമാതരത്തിന്റെ ആറ് ഖണ്ഡികകളും ആലപിക്കുന്നത് നിര്ബന്ധമാക്കിയിരുന്നു. ബംഗാളി ബിജെപി അധികാരത്തില് വന്നതിനു പിന്നാലെയാണ് വന്ദേമാതരം നിര്ബന്ധമാക്കിയുള്ള ഉത്തരവുകള് ഉണ്ടായത്.
അതിനിടെ വലിയതോതില് ക്രമക്കേടുകള് റിപ്പോര്ട്ട് ചെയ്തതിനെ തുടര്ന്ന് റീപോളിംഗ് പ്രഖ്യാപിച്ച ഫാല്ട്ട നിയമസഭാ സീറ്റില് വോട്ടെടുപ്പ് നടക്കുകയാണ്. കറുത്ത സുരക്ഷയില് രാവിലെ ഏഴു മണിയോടെയാണ് വോട്ടെടുപ്പ് ആരംഭിച്ചത്. മത്സരത്തില് നിന്ന് ടിഎംസി സ്ഥാനാര്ഥി പിന്മാറിയിരുന്നു. ഔദ്യോഗികമായി സ്ഥാനാര്ഥിത്വം പിന്വലിക്കാന് കഴിയാത്തയത്തോടെ ടിഎംസി സ്ഥാനാര്ത്ഥിയുടെ പേരും ഇവിഎമ്മുകളില് ഉണ്ട്.
