‘അച്ഛന് അസുഖമെന്ന് പറഞ്ഞ് അടിയന്തര പരോളിലിറങ്ങി, കുഞ്ഞികൃഷ്ണനെതിരായ പ്രകടനത്തിൽ പങ്കെടുത്തു’; പരോൾ ചട്ടം ലംഘിച്ച് സിപിഐഎം നേതാവ് വി കെ നിഷാദ്

പൊലീസിനെ ബോംബറിഞ്ഞ കേസിൽ ശിക്ഷിക്കപ്പെട്ട സിപിഐഎം കൗൺസിലർ വി കെ നിഷാദ് പരോൾ ചട്ടം ലംഘിച്ച് പ്രതിഷേധ പ്രകടനത്തിൽ പങ്കെടുത്തു. കുഞ്ഞികൃഷ്ണനെതിരായ പ്രതിഷേധ പ്രകടനത്തിലാണ് പങ്കെടുത്തത്.പൊലീസിനെ ബോംബെറിഞ്ഞ കേസിൽ 20 വർഷം ശിക്ഷിക്കപ്പെട്ട സിപിഐഎം പ്രാദേശിക നേതാവാണ് നിഷാദ്. രാഷ്ട്രീയ പാർട്ടികളുടെ പരിപാടിയിൽ പങ്കെടുക്കാൻ പാടില്ലെന്നാണ് ജയിൽ ചട്ടം. അച്ഛന് സുഖമില്ലെന്ന് പറഞ്ഞാണ് അടിയന്തിര പരോൾ ലഭിച്ചത്.എന്നാൽ നിഷാദ് ഇത് ലംഘിച്ചുകൊണ്ട് പയ്യന്നൂരിൽ വി കുഞ്ഞിക്കൃഷ്ണനെതിരെ ഇന്നലെ നടന്ന സി പി ഐഎം പ്രതിഷേധത്തിൽ സജീവമായി പങ്കെടുത്തു.

പിതാവിന് അസുഖമാണെന്ന് ചൂണ്ടിക്കാട്ടി അടിയന്തര പരോൾ നേടിയ നിഷാദ്, ഇന്നലെ പ്രകടനം പൂർത്തിയാക്കിയ ശേഷമാണ് കണ്ണൂർ സെൻട്രൽ ജയിലിൽ തിരിച്ചു കയറിയത്. നിഷാദ് സിപിഐഎം പ്രകടനത്തിൽ പങ്കെടുക്കുന്നതിന്‍റെ വീഡിയോ അടക്കം പുറത്തുവന്നിട്ടുണ്ട്. പരോൾ ചട്ടലംഘനം വ്യക്തമായതോടെ വലിയ രീതിയിലുള്ള വിമർശനങ്ങൾ ഉയരുകയാണ്.