ഗണേശോത്സവത്തിന് മുംബൈയിൽ നിമജ്ജനം ചെയ്തത് 37,064 വി​ഗ്രഹങ്ങൾ

മുംബൈയിൽ ​ഗണേശോത്സവത്തിന് സമാപനം. ​ഗണേശോത്സവത്തിന് 37,000-ത്തിലേറെ വി​ഗ്രഹങ്ങളാണ് മുംബൈയിലെ ജലാശയങ്ങളിൽ നിമജ്ജനം ചെയ്തത്. ദി ഹിന്ദു, ടൈംസ് നൗ ഉൾപ്പെടെയുള്ള ദേശീയ മാധ്യമങ്ങളാണ് വാർത്ത റിപ്പോർട്ട് ചെയ്യുന്നത്.

ഇന്ന് രാവിലെ ആറ് മണി വരെയുള്ള കൻക്കുകൾ പ്രകാരം 37,064 വി​ഗ്രഹങ്ങളാണ് നിമജ്ജനം ചെയ്തത്. ഇതിൽ 5,762 എണ്ണം കമ്മ്യൂണിറ്റി ​ഗ്രൂപ്പുകളുടെതായിരുന്നു. 197 എണ്ണം ​ഗൗരി വി​ഗ്രഹങ്ങളായിരുന്നു. വി​ഗ്രഹ നിമജ്ജനത്തിന് ശേഷം മുംബൈ മുനിസിപ്പൽ കോർപ്പറേഷൻ (ബിഎംസി) ജുഹു ബീച്ച് ഉൾപ്പെടെ മുംബൈയിലെ വിവിധ സ്ഥലങ്ങളിൽ ബീച്ച് വൃത്തിയാക്കൽ ആരംഭിച്ചു.

സെപ്റ്റംബർ ഏഴിന് ആരംഭിച്ച ആഘോഷങ്ങൾക്ക് ഇതോടെ അവസാനമായി. വി​ഗ്രഹ നിമജ്ജനുത്തിനായി ന​ഗരത്തിന്റെ നാന ഭാ​ഗത്തും വൻ ഭക്തജന തിരക്കാണ് അനുഭവപ്പെട്ടത്. ന​ഗരത്തിലെ ബീച്ചുകളും തടാകങ്ങളും കൃത്രിമ കുളങ്ങളിലും ഭക്തർ നിമജ്ജനം നടത്തി. ഇന്ന് നിമജ്ജനം ചെയ്തവയിൽ 31 ശതമാനവും കൃത്രിമ കുളങ്ങളാലായിരുന്നു. ലാൽബൗച്ച രാജ ​ഗണേശന്റെ വി​ഗ്രഹം തെക്കൻ മുംബൈയിലെ ​ഗിർ​ഗാവ് ബീച്ചിൽ നിന്ന് അറബിക്കടലിലാണ് നിമജ്ജനം ചെയ്തത്.