നരഭോജി കടുവയെ പിടികൂടാനാവാതെ വനംവകുപ്പ്
വയനാട് കൂടല്ലൂരിൽ യുവ ക്ഷീരകർഷകനെ കൊന്നുതിന്ന കടുവയെ പിടികൂടാനുള്ള ദൗത്യം ഒരാഴ്ച പിന്നിട്ടു. വനംവകുപ്പ് തീവ്രശ്രമം നടത്തുന്നുണ്ടെങ്കിലും കടുവ ഇതുവരെ കൂട്ടിലായിട്ടില്ല. കണ്ണൂരിൽ നിന്നും കോഴിക്കോട്ടുനിന്നും രണ്ട് ആർആർടി ടീമുകൾ കൂടി വയനാട്ടിലെത്തും. ഇന്നലെ കൂടല്ലൂർ കവലയ്ക്ക് മുകളിലായി കട്ടിൽ ഒരു കൂട് കൂടി സ്ഥാപിച്ചിരുന്നു. ഇതോടെ കൂടുകളുടെ എണ്ണം നാലായി. ക്യാമറ ട്രാപ്പുകൾ പരിശോധിച്ചും കാൽപ്പാടുകൾ തേടിയുമാണ് തെരച്ചിൽ. ബിജെപി സംസ്ഥാന അധ്യക്ഷൻ കെ സുരേന്ദ്രൻ ഇന്ന് പ്രജീഷിന്റെ വീട്ടിലെത്തുന്നുണ്ട്.
