മാസപ്പടി വിവാദം: അവസാനിച്ചെന്ന് സിപിഎം, നേതാക്കൾക്ക് മാത്യു കുഴൽനാടന്റെ മറുപടി ഇന്നുണ്ടാകും

തിരുവനന്തപുരം: മാസപ്പടി വിവാദത്തിൽ സിപിഎം നേതാക്കൾക്ക് മാത്യു കുഴൽ നാടൻ ഇന്ന് മറുപടി നൽകും. വീണ വിജയന്റെ കമ്പനി സിഎംആർഎല്ലിൽ നിന്ന് ലഭിച്ച 1.72 കോടിക്ക് ഐജിഎസ്ടി അടച്ചു എന്നായിരുന്നു ധനവകുപ്പ് റിപ്പോർട്ട്.നികുതി അടച്ചില്ലെന്നു പറഞ്ഞ മാത്യു മാപ്പ് പറയണം എന്നാണ് സിപിഎം ആവശ്യം.

നികുതി അടച്ചത് കൊണ്ട് മാത്രം മാസപ്പടി വിവാദം തീരില്ല എന്നാണ് മാത്യുവിന്റെ നിലപാട്. ഐജിഎസ്ടിക്ക് അപ്പുറം മാത്യു പുതിയതായി എന്തൊക്കെ പറയും എന്നാണ് ആകാംക്ഷ. ഐജിഎസ്ടി അടച്ചതോടെ മാസപ്പടി വിവാദം തീർന്നു എന്നാണ് സിപിഎം പറയുന്നത്.