പ്രചാരണം കൊഴുപ്പിച്ച് രാഷ്ട്രീയ പാർട്ടികൾ; പിണറായി വിജയന് വേണ്ടി പ്രചാരണത്തിനിറങ്ങാൻ താരപ്പട; വിഡി സതീശന്റെ നൈറ്റ് റോഡ് ഷോ ഇന്ന്; പ്രധാനമന്ത്രി നാളെ കേരളത്തിൽ

നിയമസഭ തിരഞ്ഞെടുപ്പ് പ്രചാരണം കൊഴുപ്പിച്ച് രാഷ്ട്രീയ പാർട്ടികൾ. മുഖ്യമന്ത്രി പിണറായി വിജയന് വേണ്ടി പ്രചാരണത്തിനിറങ്ങാൻ കമൽ ഹാസൻ അടക്കമുള്ള താരപ്പട. പ്രതിപക്ഷ നേതാവ് വിഡി സതീശന്റെ നൈറ്റ് റോഡ് ഷോ ഇന്ന് തിരുവനന്തപുരത്ത് നടക്കും. പ്രധാനമന്ത്രി നരേന്ദ്ര മോദി നാളെ കേരളത്തിലെത്തും.

കേരളം പോളിങ് ബൂത്തിലെത്താൻ 12 ദിവസം മാത്രം ബാക്കിനിൽക്കെ, പ്രചാരണം ടോപ്പ് ഗിയറിലാക്കുകയാണ് പാർട്ടികൾ. മുഖ്യമന്ത്രിയുടെ പ്രചാരണം പ്രചാരണത്തിന് ഇന്ന് തുടക്കം കുറിച്ചു.ഇന്ന് പാലക്കാട് പ്രചാരണം നടത്തുന്ന മുഖ്യമന്ത്രി നാളെ മലപ്പുറത്തും എത്തും. അടുത്ത വെള്ളിയാഴ്ച കണ്ണൂരിലെ ധർമ്മടത്ത് പിണറായി വിജയന് വേണ്ടി പ്രചാരണത്തിന് കമൽ ഹാസൻ അടക്കമുള്ള വൻ താരനിരയെത്തും.പ്രകാശ് രാജ്, റാപ്പർ വേടൻ, റിമ കല്ലിങ്കൽ തുടങ്ങിയവരും എത്തുന്നുണ്ട്.