അഫ്ഗാൻ മലനിരകളിൽ യാത്രാവിമാനം തകർന്നുവീണു; ഇന്ത്യൻ വിമാനമല്ലെന്ന് ഡിജിസിഎ

അഫ്ഗാനിസ്താൻ മലനിരകളായ ടോപ്ഖാനയിൽ യാത്രാവിമാനം തകർന്നുവീണു. ആദ്യം ഇന്ത്യൻ വിമാനം തകർന്നുവീണു എന്നാണ് റിപ്പോർട്ടുകൾ വന്നതെങ്കിലും ഈ റിപ്പോർട്ട് ശരിയല്ലെന്ന് ഡിജിസിഎ അറിയിച്ചു. തകർന്നത് മൊറോക്കൻ വിമാനമാണ്. വിമാനത്തിൽ ഇന്ത്യക്കാരില്ലെന്നും അധികൃതർ പറയുന്നു.

അഫ്ഗാനിസ്താനിലെ ടോപ്ഖാന മലനിരകളിലാണ് വിമാനം തകർന്നുവീണത്. റഡാർ പരിധിയിൽ നിന്ന് വിമാനം അപ്രത്യക്ഷമാവുകയായിരുന്നു. അപകടകാരണം വ്യക്തമല്ല.