‘ലീഗിന് സീറ്റ് കുറയില്ല; ചർച്ച നല്ല രീതിയിൽ മുന്നോട്ടുപോയി’; പി കെ കുഞ്ഞാലികുട്ടി

സീറ്റുമായി ബന്ധപ്പെട്ട കാര്യങ്ങളിൽ പാർട്ടിയിൽ കൂടിയാലോചിച്ച ശേഷം തീരുമാനമെന്ന് മുസ്ലീം ലീഗ് ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി. ലീഗിന് സീറ്റ് കുറയില്ല. ചർച്ചകൾ പൂർത്തിയായി, ചർച്ച നല്ല രീതിയിൽ മുന്നോട്ടുപോയി. നാളെ ലീഗ് യോഗം ചേരുമെന്നും പി കെ കുഞ്ഞാലിക്കുട്ടി പറഞ്ഞു.

അതേസമയം പി കെ കുഞ്ഞാലിക്കുട്ടി വേങ്ങരയിൽ നിന്ന് മാറി മലപ്പുറത്ത് മത്സരിക്കും. വേങ്ങരയിൽ പുതിയ സ്ഥാനാർഥി മത്സരിക്കും. കാലങ്ങൾക്ക് ശേഷമാണ് കുഞ്ഞാലിക്കുട്ടിയുടെ സ്വന്തം തട്ടകമായ മലപ്പുറത്തേയ്ക്ക് തിരിച്ചെത്തുന്നത്. മുസ്ലിം ലീഗിന്റെ ജില്ലാ ആസ്ഥാനം അടങ്ങുന്ന മണ്ഡലത്തിൽ നിഷ്പ്രയാസം കുഞ്ഞാലിക്കുട്ടിയ്ക്ക് നിഷ്പ്രയാസം വിജയിക്കാനാകും. മുസ്ലീം ലീഗിൽ 17 സീറ്റുകളിൽ സ്ഥാനാർഥി.കേരളം ഉൾപ്പടെ അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പ് തീയതി ഇന്ന് പ്രഖ്യാപിച്ചേക്കും. പ്രഖ്യാപനത്തിന് മുന്നേ, കേരളത്തിൽ രാഷ്ട്രീയ ചൂട് കനത്തു. കേരളത്തിൽ ഒറ്റ ഘട്ടമായിരിക്കും തിരഞ്ഞെടുപ്പ്. തിരഞ്ഞെടുപ്പ് പ്രഖ്യാപനത്തിന് പിന്നാലെ സ്ഥാനാർഥികളുടെ പ്രഖ്യാപനത്തിലേക്ക് കടക്കാനൊരുങ്ങുകയാണ് മുന്നണികൾ. രണ്ട് കോടി അറുപത്തിയൊമ്പത് ലക്ഷത്തിലേറെ വോട്ടർമാർ കേരളത്തിൽ വിധിയെഴുതും.