‘ബാർ സമയമാറ്റത്തിൽ എൽഡിഎഫിനും യുഡിഎഫിനും ഒരേ നിലപാട്, ഇതിനെ തുടർന്നാണ് സമയമാറ്റം, പറഞ്ഞതിൽ ഉറച്ചുനിൽക്കുന്നു’; മന്ത്രി എം ബി രാജേഷ്

ബാറുകളുടെ സമയമാറ്റത്തിൽ താൻ പറഞ്ഞതിൽ ഉറച്ചുനിൽക്കുന്നുവെന്ന് മന്ത്രി എം ബി രാജേഷ്. പ്രതിപക്ഷത്തിനോട് പറയാനുള്ളത് ഒരു വിഷയത്തിൽ നിലപാടെടുത്താൽ ആ നിലപാട് പരസ്യമായി പറയാനുള്ള സത്യസന്ധതയും മാന്യതയും ധൈര്യവും കാണിക്കണം. രഹസ്യമായി ഒരു നിലപാട് പറയുക, പിന്നീട് പരസ്യമായി മാറ്റി പറയുക അത് മാന്യതയല്ലെന്നും എം ബി രാജേഷ് വിമർശിച്ചു.

ബാറുകാരും പ്രതിപക്ഷവും തമ്മിൽ എന്തെങ്കിലും ബന്ധമുണ്ടോ എന്നറിയില്ല. അവർ തമ്മിൽ സംസാരിച്ച കാര്യം വെളിപ്പെടുത്തട്ടെ. സമയമാറ്റത്തെക്കുറിച്ച് പ്രതിപക്ഷ നിലപാട് ഇങ്ങോട്ടേക്ക് അറിയിക്കുകയാണ് ചെയ്തത്. സമയമാറ്റത്തിൽ അനുകൂലമായിരുന്നു പ്രതിപക്ഷം. എൽഡിഎഫിനും യുഡിഎഫിനും ഇക്കാര്യത്തിൽ ഒരേ നിലപാട്. ഇതിനെ തുടർന്നാണ് സമയമാറ്റം. പ്രതിപക്ഷനേതാവ് പറഞ്ഞ കാര്യങ്ങൾ മാധ്യമങ്ങൾ കൊടുക്കുന്നു, സർക്കാരിന്റെ നിലപാട് കൊടുക്കുന്നില്ല മാധ്യമങ്ങൾ പക്ഷപാതം തുടരുന്നുവെന്നും മന്ത്രി എം ബി രാജേഷ് വ്യക്തമാക്കി.