12 രാജ്യങ്ങളിലെ പൗരന്മാർക്ക് യാത്രാവിലക്ക് ഏർപ്പെടുത്തി അമേരിക്ക
അമേരിക്ക 12 രാജ്യങ്ങളിലെ പൗരന്മാർക്ക് യാത്രാവിലക്ക് ഏർപ്പെടുത്തി. അഫ്ഗാനിസ്ഥാൻ, മ്യാൻമർ, ചാഡ്, റിപ്പബ്ലിക് ഓഫ് കോംഗോ, ഇക്വറ്റോറിയൽ ഗിനിയ, എറിത്രിയ, ഹെയ്തി, ഇറാൻ, ലിബിയ, സൊമാലിയ, സുഡാൻ, യെമൻ എന്നീ രാജ്യങ്ങളിൽ നിന്നുള്ളവർക്കാണ് യാത്ര നിരോധനം.
അമേരിക്കയെ അപകടകാരികളിൽ നിന്ന് സംരക്ഷിക്കാനാണ് ഈ നടപടി എന്നാണ് പ്രസിഡൻറ് ഡൊണാൾഡ് ട്രംപിന്റെ വിശദീകരണം.
ഇതിനുപുറമെ , ബുറുണ്ടി, ക്യൂബ, ലാവോസ്, സിയറ ലിയോൺ, ടോഗോ, തുർക്ക്മെനിസ്ഥാൻ, വെനിസ്വേല എന്നീ ഏഴ് രാജ്യങ്ങളിലെ പൗരന്മാർക്ക് ഭാഗികമായി യാത്രാ നിയന്ത്രണങ്ങളും ഏർപ്പെടുത്തി. 2017ൽ അധികാരത്തിൽ എത്തിയപ്പോഴും ട്രംപ് സമാനമായ യാത്രാവിലക്ക് ചില രാജ്യങ്ങൾക്ക് ഏർപ്പെടുത്തിയിരുന്നു.