പത്മപുരസ്‌കാരങ്ങള്‍ പ്രഖ്യാപിച്ചു; ആദ്യപട്ടികയില്‍ 31 പേര്‍; പാരാലിമ്പിക്‌സില്‍ സ്വര്‍ണ്ണ നേട്ടം കൈവരിച്ച ഹര്‍വിന്ദര്‍ സിംഗിന് പത്മശ്രീ
പത്മശ്രീ പുരസ്‌കാരത്തിന്റെ ആദ്യഘട്ട പട്ടിക പുറത്തുവിട്ടു. ആദ്യപട്ടികയില്‍ 31 പേരാണ് ഉള്‍ഡപ്പെട്ടത്. സ്വാതന്ത്ര്യ സമര സേനാനിയും സാമൂഹ്യപ്രവര്‍ത്തികയുമായ ലിബിയ ലോബോ സര്‍ദേശായി, നാടോടി ഗായിക ബാട്ടൂല്‍ ബീഗം, തമിഴ്‌നാട്ടിലെ വാദ്യ കലാകാരന്‍ വേലു ആശാന്‍, പരിസ്ഥിതി സാമൂഹ്യ പ്രവര്‍ത്തന രമഗത്ത് ചൈത്രം ദേവ്ചന്ദ് പവാര്‍, കായികരംഗത്ത് ഹര്‍വിന്ദര്‍ സിംഗ് എന്നിവരാണ് പുരസ്‌കാരം ലഭിച്ച പ്രമുഖര്‍. പാരാലിമ്പിക്‌സില്‍ സ്വര്‍ണ്ണ നേട്ടം കൈവരിച്ച ആര്‍ച്ചര്‍ താരമാണ് ഹര്‍വിന്ദര്‍ സിംഗ്.
സൈനിക മെഡലുകളും പ്രഖ്യാപിച്ചു. രണ്ടുപേര്‍ക്കാണ് കീര്‍ത്തിചക്ര.മേജര്‍ മഞ്ജിത്,നായിക് ദില്‍വര്‍ ഖാന്‍ എന്നിവര്‍ക്കാണ് കീര്‍ത്തി ചക്ര. മലയാളി ബോര്‍ഡര്‍ റോഡ് ഓര്‍ഗനൈസേഷന്‍ ഉദ്യോഗസ്ഥന്‍ ജി വിജയന്‍ കുട്ടിക്ക് മരണാനന്തര ബഹുമതിയായി ശൗര്യചക്ര നല്‍കും. 14 പേര്‍ക്കാണ് ശൗര്യചക്ര.
