ബിജെപി ഭരിക്കുന്ന പന്തളം നഗരസഭ അധ്യക്ഷയും ഉപാധ്യക്ഷയും രാജിവച്ചു
ബിജെപി ഭരിക്കുന്ന പന്തളം നഗരസഭ അധ്യക്ഷയും ഉപാധ്യക്ഷയും രാജിവച്ചു. സുശീല സന്തോഷും യു. രമ്യയുമാണ് രാജിവെച്ചത്. നാളെ അവിശ്വാസ പ്രമേയം ചർച്ചയ്ക്ക് എടുക്കാനിരിക്കെയാണ് രാജി.
ബിജെപി നേതൃത്വത്തിലുള്ള പന്തളം നഗരസഭ ഭരണസമിതിക്കെതിരെ എല്ഡിഎഫ് അവിശ്വാസ പ്രമേയത്തിന് നോട്ടീസ് നല്കിയിരുന്നു. എല്ഡിഎഫിലെ ഒമ്പതംഗങ്ങളും ഒരു സ്വതന്ത്രനും ഒരു ബിജെപി കൗണ്സിലറും ഉള്പ്പെടെ 11 കൗണ്സിലര്മാര് ഒപ്പിട്ട അവിശ്വാസ നോട്ടീസാണ് നല്കിയത്. എല്ഡിഎഫിലെ ഒമ്പത് കൗണ്സിലര്മാരും സ്വതന്ത്രന് അഡ്വ. രാധാകൃഷ്ണന് ഉണ്ണിത്താനും ബിജെപി കൗണ്സിലര് കെ വി പ്രഭയും നോട്ടീസില് ഒപ്പുവച്ചു.
ഭരണ സമിതിയെ വിമര്ശിച്ചതിന് അടുത്തിടെ ബിജെപി കൗണ്സിലറായ കെവി പ്രഭയെ ബിജെപി അംഗത്വത്തില്നിന്ന് നീക്കിയിരുന്നു. അതേസമയം പാലക്കാട്ട് തോറ്റ ബിജെപി സ്ഥാനാര്ഥി കൃഷ്ണകുമാറിനായിരുന്നു പന്തളം നഗരസഭയിലെ ചുമതല. പന്തളത്തെ പാര്ട്ടി തകര്ച്ചയുടെ കാരണക്കാരന് കൃഷ്ണകുമാര് ആണെന്നാണ് കൗണ്സിലര്മാരുടെ അടക്കം ആരോപണം.
