രാജ്യത്ത് ഉപഭോക്തൃ വിലക്കയറ്റം അഞ്ചുവര്‍ഷത്തെ കുറഞ്ഞ നിരക്കില്‍; ഭക്ഷ്യവസ്തുക്കളുടെ വിലക്കയറ്റ നിരക്ക് കുറഞ്ഞു
രാജ്യത്ത് ഉപഭോക്തൃ വിലക്കയറ്റം അഞ്ചുവര്‍ഷത്തെ കുറഞ്ഞ നിരക്കില്‍. ഭക്ഷ്യവസ്തുക്കളുടെ വിലക്കയറ്റ നിരക്ക് ഗണ്യമായി കുറഞ്ഞു. നഗരമേഖലകളില്‍ ഉപഭോക്തൃ വിലക്കയറ്റം മൂന്നുശതമാനത്തില്‍ താഴെയായപ്പോള്‍ ഗ്രാമമേഖലയില്‍ ഇത് നാലുശതമാനത്തില്‍ താഴെയുമാണ്.
59 മാസങ്ങളായുള്ള ഏറ്റവും കുറഞ്ഞ നിരക്കാണ് ഉപഭോക്തൃ വിലക്കയറ്റത്തില്‍ ഇപ്പോള്‍ രേഖപ്പെടുത്തിയിരിക്കുന്നത്. ആര്‍ബിഐ മുന്‍പ് ലക്ഷ്യം വച്ച നാല് ശതമാനമെന്ന നിരക്കിനും താഴേക്ക് ഉപഭോക്തൃ വിലക്കയറ്റം എത്തിയിരിക്കുന്നു എന്നതാണ് ഏറ്റവും ശ്രദ്ധേയം. ജൂണ്‍ മാസത്തില്‍ ഈ നിരക്കുകള്‍ അഞ്ച് ശതമാനത്തിനും മുകളിലായിരുന്നു.
ഭക്ഷ്യവസ്തുക്കളുടെ വിലക്കയറ്റത്തിന്റെ നിരക്ക് ജൂണ്‍ മാസത്തില്‍ 9.36 ശതമാനമായിരുന്നു. ഇത് ഇപ്പോള്‍ 5.42 ആയി കുറഞ്ഞു. ആര്‍ബിഐ ധനസമിതി യോഗം അടുത്ത തവണ ചേരുമ്പോള്‍ റിപ്പോ നിരക്കുകളില്‍ ഉള്‍പ്പെടെ മാറ്റമുണ്ടാകാന്‍ സാധ്യതയുണ്ട്.